Resultat: 6-0 (4-0) Mål Hornindal: Odd Arne Bergset, Svein O. N. Solum, Kjell Arne Vartdal, Odd Arne Bergset, Edvin Haugen, Stig Tisthamar Startoppstilling: Keeper: Sætren Forsvar: Lien - Oppheim - Haugen - Kandal Midtbane: Lødøen - Vartdal - E. Lødemel Ø.Heggen - Solum - M. Lødøen Innbyttarar: Ø.Lødemel, Taraldset, Fannemel, K. I. Flom, Tisthamar, Espe, Raftevold, Bakke. Ved frammøte stadion sto Ola Roar og Morten og la ein slagplan føre dagens match. Dette skulle vise seg å være ein smart plan, for rett etter avspark - skjølv om Breimsbygda hadde avsparket - storma HIL i angrep og kom til ein 100% sjanse allerede etter 1 min. Bergset slo ballen rett utanfor mål, med resultat corner til HIL. Same Bergset sette corneren i mål. 1-0. Etter dette var det meste einvegskøyring. Ballen rulla HIL sin veg med kjappe angrep på flankane, og innlegg med avslutningar. Ei stund lurte underteikna på om HIL hadde lese alle bøkene til Drillo, Semb og andre fotballekspertar, for dette var stor fotball. Eit nytt praktangrep rulla opp på høgresida. Denne gong ved Lien og Heggen som gjorde forarbeidet som førte til opning for Vartdal. Vartdal forserte gjennom midtforsvaret til Breimsbygda og var lagt i bakken. Soleklar straffe! Solum gjorde seg klar ved krittmerket og gjorde som på treninga onsdag: Utagbart heilt i stolperota til høgre for keeper. 2-0. Det stoppa ikkje her. På ny vart eit angrep rulla opp på høgresida, og på ny var det Heggen og Lien som sto for arrangementet. Ballen gjekk på eintouch frå Lien til Heggen, frå Heggen til Vartdal, og Vartdal utnytta denne gongen opninga i forsvaret ved å kline ballen i krysset. Moglegvis eit av dei flottaste måla på Idrettsparken i år! 3-0. HIL-gutta var svoltne på meir. Den einaste som såg ut til å kjede seg var keeper Sætren, som ikkje hadde alt for mykje å gjere i HIL-målet. Nye angrep vart rulla opp på sidene, og eit av desse resulterte i nytt Bergset mål. 4-0. Pause. I pausen informerte trenerteamet (Fannemel, Grodås, Bakka, Taraldset, Maurset) om at denne kampen skulle alle få spele. Ettersom tre gule kort gjev karaktene vart dei i grenseland bytta ut først. Etter kvart som alle innbyttarane kom på bana, og HIL på papiret vart eit svakare lag, gav spelarane alt, og 100% sjansar vart skapt - og brent - i stor stil. Engasjementet er stort, og alle gjev alt i alle duellar. Mål nr. 5 kom etter frispark frå høgre. Edvin brukte lovlege hjelpemiddel for å påte ballen i mål. Ikkje det mest nydelege, men mål er mål. 5-0. Siste målet kom etter eit frispark frå eigen banehalvdel. Espe la ei 50-meters lissepasning til Vartdal, som igjen la eit glimrande innlegg inn i feltet. Fannemel misbruker sjansen, men Tisthamar torpederer ballen bak ein forfjamsa Breimsbygda-keeper. 6-0. Kampen oppsummert av trenar Ola Roar: "Vi hadde 18 100% sjansar. Men eg synst det er bra at vi klarer å score 6 mål på 90 min. likevel!" Denne sigeren var ein stor lagsiger, og det er vanskeleg å trekke fram enkeltpersonar. Terningkast på kampen: 5.