Fyrstkomande fredag er det lokaloppgjer mot Stryn2 på Hornindal Idrettspark. Strynelaget står med 4 poeng etter to kampar, siger mot Hafslo og uavgjort mot Oppstryn. Det er ikkje tvil om at det blir ei tøff oppgåve å møte dette unge og talentfulle strynelaget som har tatt mål av seg å kjempe i toppen av årets 5 divisjon. Etter den positive kampen mot Selje sist trur vi Stryn2 skal få hard kamp om poenga på Idrettsparken komande fredag kl 19. Troppen vert tatt ut etter trening onsdag. Troppen blir lagt ut på sida vår så snart den er klar. Mannskapet er stort sett skadefritt med unntak av Edvin og Stig Olav som slit med henholdsvis overtrakk og lyskestrekk. Begge to er særs usikre til fredagens kamp.