Kilde:Fjordingen. Honndalscupen er som kjent ei turnering med sjel og gode tradisjonar. I år vart dessverre ikkje den avvikla, men vi vonar å kome sterkt tilbake neste år. På dette bildet er dei som bidrog til at Honndalen vann si eiga turnering i 1976. Bak frå venstre: UK-sjef Ola Hessholm, Njål Lødemel, Ottar Lødemel, Håkon Raftevold, Bjørn Lødemel, Lars Arne Haugen, Ståle Hatlelid, Nils Haugen, Rune Hatlelid, Rolf Taraldset og Mattis Lunde. Framme frå venstre: Bottolf Grodås, Magnar Lødemel, Arne Bruheim, Geir Haugen, Arild Seljeset og Lars Dybevold. I 1976 var desse laga med: Fart, Stryn, Sæbø og HIL. Innleiande kampar: HIL - Sæbø 3-0 (0-0) 1-0 Njål Lødemel, ei kanon frå 20 meter. 2-0 Njål Lødemel 3-0 Ottar Lødemel Fart - Stryn 3-1 (0-0) Rune Tonning scora Stryn sitt mål når han reduserte til 2-1. Målet vart også karakterisert som årets mål på Hornindal Stadion, eit brassespark frå 16 meter. Bronsefinale: Stryn - Sæbø 2-2 5-3 på straffespark. 1-0 Andreas Vik 2-0 Andreas Vik 2-1 2-2 Arne Hool bomma på straffespark like før fulltid, og dermed måtte kampen avgjerast på straffespark. Desse 5 tok straffespark for Stryn: Odd Hoel, Rune Tonning, Arne Øvreberg, Andreas Vik og Arne Hoel. Keeper Jan Aabrekk redda to straffespark og dermed vann Stryn bronsefinlaen 5-3. Finalen: I finalen møtte HIL gjestene Fart frå Hedmark. Omlag 500 personar såg finalekampen. Den var den beste kampen i turneringa. HIL - Fart 3-1 1-0 Njål Lødemel 1-1 Straffe 2-1 Ståle Hatlelid 3-1 Ståle Hatlelid Nytt i 1976 var kåring av turneringas beste spelar. Ottar Lødemel fekk prisen, og vart dermed den fyrste til å bli kåra til turneringas beste spelar i Honndalscupen si historie.